Апликација за CALU 5: Startup Edition


Code App Level Up 5: Startup Edition е петтата мини јубилејна едиција на еден од најуспешните студенски настани кај нас, во организација на EESTEC LC Skopje.

Овогодинешното издание на CALU е посветено на поттикнување на претприемништвото на македонските студенти. Ќе се работат софтверски решенија кои што воедно ќе треба да имаат и солиден бизнис план во позадина. 32 учесници поделени во тимови од 3 до 4 члена ќе работат на своите идеи во период од 15.04 – 21.04.2019, а крајните идеи ќе се презентираат на финалето кое ќе се одржи на 21.04.2019.


Целта на оваа работилница е студентите да се стекнат со искуство кое ќе им служи како огромен катализатор за нивните кариери во иднина.
Секој од пријавените тимови ќе добие ментор од Macedonian Allstar Startup менторскиот тим кој што го обезбеди EESTEC. Директори на компании, основачи на компании, сериски претприемачи, претставници на VC фондови и директори на маркетинг одделенија ќе бидат само дел од менторите кои што ќе ги водат тимовите на CALU кон нивната цел.


Бројот на тимови е ограничен, па затоа ќе бидат избрани само осум тима кои ќе учествуваат. Апликациите за настанот ќе бидат отворени до 25.03.
Аплицирањето и учеството на настанот е бесплатно и сите заинтересирани можат да се пријават на следниот линк: https://goo.gl/eZK16k

ПРАВИЛА НА УЧЕСТВО:

  • се пријавува претходно оформен тим од 3-4 члена (секој член посебно ја пополнува формата за апликација)
  • минимум 2 члена од тимот се студенти
  • тимот се состои од минимум еден член секоја од улогите:
    • hipster (дизајн)
    • hacker (програмирање)
    • hustler (бизнис/претприемништво)

Апликација за Vip Starup Academy

Во склоп на овогодинешното издание на Code App Level Up 5: Startup Edition Powered by Vip, EESTEC LC Skopje ви го најавува настанот Vip Startup Academy кој ќе се одржи на 16 март, во 12 часот во главната зграда на Вип.

Vip Startup Academy ви нуди можност да добиете совети како да го изградите патот кон успехот и да дознаете како да започнете сопствен бизнис. Ќе дознаете како да направите
бизнис план и видео преку кое би ја претставиле вашата идеја. На наше и на ваше задоволство, предавачи ќе бидат основачите на најуспешните македонски стартап компании. Преку предавањата потенцијалните учесници на Code App Level Up 5: Startup Edition ќе добијат корисни информации кои ќе им помогнат во процесот на понатамошно аплицирање.

Сите заинтересирани кои сакаат да бидат дел од Code App Level Up 5: Startup Edition powered by Vip, но и да научат повеќе за предизвиците на стартап бизнисите, сега имаат единствена можност да се пријават и да бидат дел од овој еднодневен настан. Аплицирањето и учеството се целосно бесплатни, а сите заинтересирани може да се пријават на следниот линк: https://goo.gl/forms/kqiccKwS0QYYJkdW2